Hönnunar- og prjónasamkeppni Prjónagleðinnar

Prjónasamkeppni: Jólahúfa með snjalltækni

Verkefnið er að hanna og prjóna jólahúfu með snjalltækni og tengja saman hefðbundið handverk, íslenskar jólahefðir og nýja tækni. Raftextill eru stafrænir íhlutir sem innifela m.a. rafrásabúnað sem felldur er eða saumaður í prjónlesið með tiltekna virkni, í þessu tilfelli er það jólahúfa. Stundum er talað um snjallflíkur eða e-textíll. Með tækninni er t.d. hægt að hafa ljós í mynstri. 

Reglur:

• Húfan skal vera frumhönnun. (Mynstur sem eru hluti af þjóðareign s.s. úr íslensku sjónabókinni eru leyfð).
• Húfan skal vera prjónuð úr íslenskri ull.
• Húfan skal hafa tilvísun í hefðbundið íslenskt handverk og jólahald.
• Húfan skal hafa einhverskonar rafræna virkni.
• Húfan getur verið á hvaða aldurshóp sem er.
• Verkið er metið út frá frumleika, nýtingu raftextíls, handverki og með hvað hætti hún vísar til hefðbundins íslensks handverks og hefðir við jólahald.
• Myndir af ferlinu og sagan á bak við hönnunina skulu fylgja með.

Nánar verður auglýst síðar um ókeypis netnámskeið og hvar þátttakendur hafa aðgengi að leiðsögn.

Upplýsingar um skil:

Síðasti skiladagur er 30. nóvember 2024. Verkin skal merkja með dulnefni en nafn, heimilisfang, símanúmer og netfang látið fylgja með í lokuðu umslagi merktu dulnefninu. 

Senda skal fullunnið verk til:

Textílmiðstöðvar Íslands
Jólahúfusamkeppni
Árbraut 31 
540 Blönduósi

Móttakandi heitir fullum trúnaði við þátttakendur. Úrslitin verða kynnt og verðlaun afhent 12 desember eða sama dag og fyrsti jólasveininn kemur til byggða. Þrjár húfur koma til með að vera verðlaunaðar!

Fyrstu verðlaun: 50 000 ISK

Önnur verðlaun: 30 000 ISK

Þriðju verðlaun: 20 000 ISK