Spjörum okkur!

Í framhaldi af ársfundi Textílmiðstöðvarinnar þann 31. mars síðastliðinn var haldinn vinnufundurinn SPJÖRUM OKKUR í Félagsheimilinu á Blönduósi.

SSNV vann með Textílmiðstöðinni að allri skipulagningu og sá um fundarstjórn. Unnið var í fjórum mismunandi hópum og velt upp þeim möguleikum sem við höfum hér í Húnabyggð til að vinna með textílúrgang. Skoðuð var söfnun og móttaka, endurvinnsla með áherslu á að lengja líftíma textílsins og kom skýrt fram mikilvægi þess að kunna að gera við föt. Einnig voru fræðslumálin skoðuð sérstaklega en á fundinum voru fulltrúar allra skólastiga og einn hópurinn skoðaði sérstaklega rekstrarform.

SSNV sér um að vinna greinargerð um niðurstöðurnar sem í framhaldinu verða kynntar fyrir þátttakendum og á heimasíðum.