Spennandi starf!

Textílmiðstöð Íslands auglýsir eftir öflugum aðila í nýtt og spennandi starf við uppbyggingu TextílLabs á Blönduósi. Um er að ræða einstakt tækifæri til að móta og þróa nýtt starf þar sem fléttast saman aldagömul textílhefð okkar Íslendinga og fjórða iðnbyltingin.

• Tekur á móti einstaklingum og hópum og kynnir möguleika smiðjunnar
• Leiðbeinir notendum og veitir tæknilega leiðsögn
• Tekur virkan þátt í að aðstoða frumkvöðla og sprotafyrirtæki í textíl nýsköpun
• Heldur utan um og framfylgir viðhaldi og hreinlæti á tækjabúnaði
• Heldur utan um skráningar, heimsóknir og önnur töluleg gögn
• Annast kennslu á tækjabúnað og heldur reglulega námskeið
• Tekur þátt í gerð og þróun námsefnis og námskeiða
• Tekur þátt í öðrum tilfallandi verkefnum hjá Textílmiðstöðinni.

• Brennandi áhugi á því að móta sitt starf með tilliti til fjórðu iðnbyltingar 
• Iðn- eða háskólamenntun sem nýtist í starfi kostur
• Þekking á hönnunarforritum tengd stafrænni tækni kostur
• 2D og 3D hönnunar forrit, myndvinnsla ofl.
• Þekking á framleiðsluferlum textíls kostur
• Reynsla af notkun FabLab kostur
• Lipurð í samskiptum og þjónustulund
• Starfið kemur til með að gera mikla kröfu á sjálfstæði og frumkvæði

Textílmiðstöð Íslands sem staðsett er á Blönduósi hefur nýlega sett upp stafræna smiðju sem er sérhæfð í rannsóknum og framleiðslu á ýmiskonar textíl tengdum verkefnum. Uppbygging smiðjunnar hlaut styrk úr Innviðasjóði og verkefnið er unnið í samstarfi við Evrópuverkefnið Centrinno, samstarfsverkefni 9 evrópskra borga með það markmið að endurvekja textíliðnað í Evrópu. Jafnframt hlaut uppbygging TextílLabs og TextílKlasa nýverið styrk úr Lóu - Nýsköpunarstyrk á landsbyggðinni. Mikil áhersla er á sjálfbærni og nýsköpun til fullvinnslu á innlendu hráefni.

 

Um er að ræða 50-100% stöðugildi. Verkefnisstjórinn mun halda utan um daglega starfsemi, svo sem opinn tíma fyrir almenning, viðhald og þrif á tæknibúnaði, umsjón með húsnæði, skipulag á námskeiðum og móttöku hópa og einstaklinga. Um mjög fjölbreytt starf er að ræða þar sem skipulag og sjálfstæð vinnubrögð eru mikilvæg, í bland við frjóa hugsun og útsjónarsemi við úrlausn verkefna.

Nánari upplýsingar veitir Elsa Arnardóttir í síma 694 1881, netfang; elsa@textilmidstod.is